Oktyabrın 16-da saat13:00-da Azərbaycan Tibb Universitetində (ATU) data-analitika və süni intellekt texnologiyalarının elmi fəaliyyətə inteqrasiyasına həsr olunmuş təqdimat seminarı keçiriləcək.

 

ATU-dan Aztibb.az-a bildirilib ki, seminarda Data-analitika və süni intellekt laboratoriyasının fəaliyyət istiqamətləri və həyata keçirilmiş işlər, tibbi datanın müasir təqdimat və analitik yanaşmaları, perspektivli tədqiqatların seçilməsi və laboratoriya ilə əməkdaşlığın təşkili prinsipləri təqdim olunacaq.

 

Tədbirdə konkret nümunələr əsasında multidissiplinar tədqiqat və əməkdaşlıq imkanları, elmi ideyaların məqalə, patent və tətbiqi həllərə qədər inkişaf etdirilməsi, həmçinin beynəlxalq elmi əməkdaşlığın perspektivləri müzakirə ediləcək.

 

Seminarın məqsədi və gələcək əməkdaşlıq imkanları nəzərə alınaraq, tədbirdə kafedra müdirlərinin, kafedraların elmi işlər üzrə məsul nümayəndələrinin və aidiyyəti struktur bölmələrin nümayəndələrinin iştirakı nəzərdə tutulur.

 

 

Məkan: ATU-nun Tədris-terapevtik Klinikası, 14-cü mərtəbə, akt zalı