Azərbaycan Tibb Universitetinin Azərbaycan dili kafedrasının dosenti Sevda Kadiyevanın müəllif olduğu “Azərbaycan dili” (ingilis qrupları üçün) dərsliyi işıq üzü görüb.

 

ATU-dan Aztibb.az-a bildirilib ki, yeni dərslik ali məktəblərin professor-müəllim heyəti və Azərbaycan dilini xarici dil kimi öyrənən şəxslər üçün nəzərdə tutulub.

 

Dərslik Azərbaycan dilini sıfırdan başlayaraq akademik və rəsmi-işgüzar kommunikasiya səviyyəsinə qədər inkişaf etdirmək üçün unikal bir sistem təqdim edir. Burada fənn proqramının bütün mühüm aspektləri, o cümlədən “Fonetik və leksik baza”, “Kommunikativ və akademik bacarıqlar”, “Rəsmi-İşgüzar üslub”, “Sosial-mədəni inteqrasiya” kimi istiqamətlər öz əksini tapıb.

 

Kitabda yer alan xüsusi situativ-rollu oyunlar, ifadəli oxu materialları və lüğətlə iş tapşırıqları dərslərin tam praktik və interaktiv keçməsinə zəmin yaradır. Bu vəsait əcnəbi tələbələrin həm akademik tərəqqisinə birbaşa təsir edəcək, həm də onların cəmiyyətimizə uğurlu inteqrasiyasına böyük töhfə verəcək.