Aztibb.az-ın xəbərinə görə, Azərbaycan Ürək və Damar Cərrahiyyəsi Cəmiyyəti Ümummilli Lider Heydər Əliyevin xatirəsinə həsr olunmuş "Bakı Ürək Günləri" 9-cu Beynəlxalq Konqresinə ev sahibliyi edəcək.

 

Konqresin proqramı kardiologiya və ürək-damar cərrahiyyəsinin aktual problemlərini əhatə edəcək.

 

Yerli və xarici mütəxəssislər məqalə və tezislərini elektron qaydada təqdim edə biləcəklər. Canlı cərrahiyyə yayımları və praktiki kurslar isə elmi-praktik əhəmiyyəti artıraraq gənc mütəxəssislər üçün faydalı olacaq. Konqres azərbaycanlı mütəxəssislərə kardiologiyanın yeniliklərini beynəlxalq ekspertlərlə müzakirə etmək imkanı yaradacaq.