Hər iki qolda ölçülən təzyiq fərqi damar yırtığı kimi təcili müalicə tələb edən xəstəliklərin əlaməti ola bilər, qol və ayaq təzyiqi arasındakı ciddi fərqlər isə infarkt və insult ilə nəticələnə bilən periferik damar xəstəliklərinin göstəricisi hesab edilir.

Aztibb.az "TRT Haber"ə istinadən yazır ki, təcili tibb mütəxəssisi Dr. Ayşegül İşlek Yüksel ayaq təzyiqinin ən az həftədə bir dəfə ölçülməsi lazım olduğunu, qol və ayaq təzyiqi arasında aşağı və ya yüksək fərqlərin müxtəlif damar xəstəliklərinin erkən siqnalları ola biləcəyini vurğulayıb.

Ayaq biləyində qan təzyiqini ölçməklə, ürək-damar xəstəlikləri və şəkərli diabet kimi damarların zədələnməsinə səbəb olan xroniki xəstəliklərin erkən əlamətlərini aşkar etmək mümkündür. Həkim həftədə bir dəfə nizamlı olaraq ölçülməsi lazım olan ayaq təzyiqinin eyni istiqamətdə qol təzyiqindən 1 və ya 2 vahid yüksək olmasının gözlənildiyini və bunun çox yüksək olmasının infarktlara səbəb ola biləcək damar tıxanmasının və xüsusilə şəkər xəstəliyində çox rast gəlinən damar kalsifikasiyasına işarə ola biləcəyini qeyd edib.

Daha aşağı olarsa, bu, periferik arteriya xəstəliyi adlanan və infarkt və ya insult kimi ciddi problemlərə səbəb ola biləcək bir vəziyyətin əlaməti ola bilər. Həkiml qan təzyiqini yoxlanarkən hər iki qoldan ölçü götürülməsi lazım olduğunu, sağ və sol qol arasında yüksək fərqin aorta yırtığı kimi ölümcül xəstəliklərin göstəricisi ola biləcəyini deyib.