Çex alimlərinin araşdırmasının nəticələrinə görə, göy qurşağı alabalığı bazarda mövcud olan ən ekoloji cəhətdən təmiz balıqlardan biridir. 

Aztibb.az "Ecopravda" nəşrinə istinadən xəbər verir ki, bu balıq növünün yalnız kristal təmiz suda yaşadığı, bu da onun zəhərli çirklənmədən azad qalmasına imkan verdiyi vurğulanır.

Qeyd edilir ki, yüz qram xam alabalığın tərkibində təxminən 20,5 q protein və cəmi 4,1 q yağ var. Bu balığın əti mühüm minerallarla da zəngindir - kalium, maqnezium və dəmir. Həmçinin tərkibində olan omeqa-3 yağ turşuları, xüsusilə DHA, beynin inkişafında və idrak funksiyasının qorunmasında mühüm rol oynayır.

Əlavə edilir ki, göy qurşağı alabalığını bişirməyin ən yaxşı üsulu sobada bişirməkdir, çünki o, bütün qida maddələrini qoruyur və yeməyə zəngin bir dad verir.