Azərbaycan Həmkarlar İttifaqları Konfederasiyasının (AHİK) üzv təşkilatı Azərbaycan Səhiyyə İşçiləri Həmkarlar İttifaqı Respublika Komitəsinin təşəbbüsü ilə səhiyyə işçiləri arasında “Sağlamlığa doğru qaç” adlı qaçış yarışı keçiriləcək.

Bu məlumat Aztibb.az-a Səhiyyə Nazirliyindən verilib.

Məqsəd 17 iyun - Tibb İşçilərinin Peşə Bayramına həsr edilmiş “Sağlamllğa Doğru Qaç!” layihəsi tibb işçilərinin fiziki sağlamlığının təşviq edilməsi, asudə vaxtının səmərəli təşkili və həmkarlar arasında birliyi gücləndirmək, həm idman etmək, həm də yeni dostlar qazanmaqdır.

Tibb müəssisələrində işləyən və təhsil alan hər kəs – səhiyyə işçiləri və tələbələr yarışda iştirak edə bilərlər

I, II, III yerlərin qalibləri mükafatlandırılaraq, Xankəndi şəhərində-final yarışına qatılmaq imkanı əldə edəcək.

Mərhələ yarışları keçiriləcək regionlar:
Hacıqabul, Ağcabədi, Mingəçevir, Lənkəran, Gəncə, Qusar, Şamaxı rayonları, Naxçıvan, Bakı və Xankəndi şəhərləri.

Yarışın başlama vaxtı: 23 mart Hacıqabul rayonu, başlama vaxtı 10:00.