25 aprel 2024-cü il tarixində Dövlət Gömrük Komitəsinin Tibbi Xidmət İdarəsinin Elmi Təcrübi və Tədris Mərkəzinin və Mərkəzi Gömrük Hospitalının birgə təşkilatçılığı ilə “Peyvəndlərlə əlaqədar doğru bildiyimiz yanlışlar” mövzusunda seminar keçiriləcək.

 

Bu barədə Aztibb.az-a Gömrük Hospitalından bildirilib.

 

Həyata keçiriləcək maarifləndirici tədbir gənc auditoriya, xüsusi ilə könüllülər üçün nəzərdə tutulub. Seminar zamanı peyvəndlərlə qarşısı alına bilən xəstəliklər, peyvəndləmənin vacibliyi, o cümlədən peyvəndlərlə bağlı miflər barədə Mərkəzi Gömrük Hospitalının infeksionisti Mədinə Abdullayeva “Peyvəndlərlə əlaqədar doğru bildiyimiz yanlışlar” mövzusunda təqdimatla çıxış edəcək.

 

Seminar əyani şəkildə saat 15:00-dan 17:00-dək Mərkəzi Gömrük Hospitalının akt zalında, distant şəkildə isə ZOOM platforması üzərindən həyata keçiriləcək. Əyani iştirak yalnız dəvətnamə əsasında, distant iştirak isə qeydiyyatla olacaq.

 

Tədbirdə iştirak edərək proqramı tamamlayan gənclərə sertifikat veriləcək.

 

Seminarda iştirak ödənişsizdir. Distant iştirak üçün qeydiyyatdan keçmək mütləqdir.

 

• Proqramla tanış olmaq üçün link: https://customshospital.az/peyvendlerle-elaqedar-dogru.../

 

• Distant iştirak üçün qeydiyyat linki: https://us06web.zoom.us/.../reg.../WN_ZTjID0n7RHyoDK6_w1H0FA