Professor Dimitriy İvanov ATU-nun Tədris-Cərrahiyyə Klinikasında müəllim və tələbələrlə görüşüb  
04.04.2024 14:01

Azərbaycan Tibb Universitetinin (ATU) qonağı olan Rusiya Səhiyyə Nazirliyinin baş neanotoloqu, Sankt-Peterburq Dövlət Pediatriya Tibb Universitetinin rektoru, professor Dimitriy Oleqoviç İvanov ATU-nun Tədris-Cərrahiyyə Klinikasında müəllim və tələbələrlə də görüş keçirib.

 

ATU-dan Aztibb.az-a verilən məlumata görə, Rusiya nümayəndə heyətini toplantı iştirakçılarına təqdim edən ATU-nun elmi işlər üzrə prorektoru, professor Rauf Bəylərov bldirib ki, bu görüş Sankt-Peterburqla Azərbaycan hökumətlərarası komissiyasının iclasının proqramı əsasında təşkil olunub və ticarət-iqtisadi, elmi-texniki və mədəni əməkdaşlıq çərçivəsində işgüzar xarakter daşıyır.

 

O, qonaqları tədbir iştirakçılarına təqdim etdikdən sonra professor Dimitriy İvanov özünün həyatı və elmi-pedaqoji fəaliyyəti barədə ətraflı məlumat verib. Sözünə davam edən qonaq rəhbərlik etdiyi Sankt-Peterburq Dövlət Pediatriya Tibb Universitetinin yaranma tarixi, həmçinin keçdiyi inkişaf yolu və eləcə də maddi-texniki bazasının hazırkı durumu haqqında ətraflı məlumat verib. O, əlavə edib ki, bu universitet 1925-ci ildə yaradılıb və Rusiyanın qocaman tibb universitetlərindən biri hesab olunur: “İlk əvvəllər bu məktəb uşaq və anaların qorunması institutu adlanıb və sonradan Sankt-Peterburq şəhərində öz strukturunda poliklinikaya malik olan yeganə ali tibb məktəbinə çevrilib.

 

Sankt-Peterburq Dövlət Pediatriya Tibb Universiteti üçün ən çətin dövr Böyük Vətən müharibəsi illəri olub. O zaman ölkənin üzləşdiyi ağır müharibə vəziyyətinə baxmayaraq, bu təhsil müəssisəsi öz fəaliyyətini dayandırmamış və gələcək həkimlər yetişdirmək üçün işinə davam etmişdir. Müharibə zamanı təlimdən əlavə, həm də burada insanlar müalicə edildiyi üçün xəstəxana da açılıb. Əməkdaşlar ac uşaqlara, köməksiz qalan qocalara, yaralı və xəstə əsgərlərə yetərincə lazım olan tibbi yardım ediblər.

 

1994-cü ildə Uşaq Tibb İnstitutu adlandırılıb. Bir neçə il əvvəl isə bu ali təhsil müəssisəsinin statusu yenidən dəyişdirilib. 2013-ci ildə təhsillərini başa vuran məzunlar Sankt-Peterburq Dövlət Pediatriya Tibb Universitetinin diplomunu alıb”.

 

Rektor vurğulayıb ki, Sankt-Peterburq Dövlət Pediatriya Tibb Universiteti hazırda Rusiyanın ən güclü universitetlərindən biridir və kifayət qədər yüksək keçən puanları var.

Səadət Məmmədova
Müəllifin digər yazıları
ÇOX OXUNANLAR
 Quba Regional Perinatal Mərkəzinin komandası 28-ci həftəsində doğulan körpənin həyatını xilas edib   
Saray Ailə Sağlamlıq Mərkəzinin terapevti Sevinc Zeynalova vəfat edib
Hidrogen xərçəng də daxil olmaqla geniş spektrli xəstəlikləri müalicə edə bilər
Ağcabədi Rayon Mərkəzi Xəstəxanasının kardioloqu - İlqar Quliyev
Hepatoloq Tofiq Əkbərov Türkiyədə XV Beynəlxalq Hepatoloji Konqresdə iştirak edib  
Endokrinoloq mühüm elementi olan “xərçəng əleyhinə” menyu təqdim edib
Həyat yoldaşına böyrəyini bağışladı
 Tibb Müəssisələrinin Akkreditasiyası və Keyfiyyətə Nəzarət Mərkəzi yaradılır - Fərman
Rəşad Mahmudov Lənkəranda Ümummilli Lider Heydər Əliyevin 101 illiyinə həsr olunmuş elmi seminarda çıxış edib
Sumqayıtda tədbir: “Azərbaycan səhiyyəsinin inkişafı Heydər Əliyevin adı ilə bağlıdır” 
 Doğuş prosesini təcili tibbi yardım avtomobilində idarə edən tibb işçiləri təltif olunublar   
Estetik cərrahiyyə və kosmetoloji sahədə qanun pozuntularına yol verən 9 klinika rəhbərliyi məsuliyyətə cəlb olunub
Yuxunun kifayət qədər olmaması orqanizmi infeksiyalara qarşı həssas edir - MÜSAHİBƏ
Milli Oftalmologiya Mərkəzinin Dəmiryol Səyyar Klinikası tərəfindən Astarada tibbi aksiya keçirilib
Xroniki xəstəlik nədir?