29 mart 2024-cü il tarixində Dövlət Gömrük Komitəsinin Tibbi Xidmət İdarəsinin Elmi Təcrübi və Tədris Mərkəzinin, Mərkəzi Gömrük Hospitalının və Azərbaycan Reanimatoloqlar və Anestezioloqlar Cəmiyyətinin birgə təşkilatçılığı ilə “Beyin ölümü diaqnozunun təyininə multidissiplinar yanaşma” mövzusunda seminar keçiriləcək.

Gömrük Hospitalından Aztibb.az-a bildirilib ki, seminarda “Beyin ölümü” diqanozunun klinik əhəmiyyəti, əyani vəsait üzərində beyin ölümü diaqnozunun təyini, beyin ölümündən sonra donor namizədlərin reanimasiya şöbəsində menecmenti və digər zəruri mövzular barədə ətraflı məlumat veriləcək.

Proqrama uyğun olaraq seminar transplantoloq, anestezioloq-reanimatoloq, radioloq və ümumi cərrah ixtisasına malik həkimlər və rezidentlər üçün nəzərdə tutulub.

Tədbirin saat 13:30-dan 18:00-dək Mərkəzi Gömrük Hospitalının akt zalında həyata keçirilməsi planlaşdırılır.

Seminar 4 DTT balı ilə qiymətləndirilib. Proqramı tamamlayan iştirakçılara sertifikat veriləcək.

Seminarda iştirak ödənişsizdir. Öncədən qeydiyyatdan keçmək mütləqdir.

Proqramla tanış olmaq üçün link: https://customshospital.az/mt-https://aztibb.az/az/content/uploads/2024/03/proqram-beyn-oeluemue_rgb.pdf 

Qeydiyyatdan keçmək üçün link: https://forms.gle/EDZHwMwthpxseaHE8