ABŞ-ın Nyu-York şəhərindəki tibb məktəbi Wall Street-in aparıcı investorlarından birinin 93 yaşlı həyat yoldaşının 1 milyard dollarlıq ianə qarşılığında tələbələrə ödənişsiz təhsil verəcək.

Bu barədə Aztibb.az medimagazin.com.tr-yə istinadla xəbər verir.

Nyu-Yorkdakı Albert Eynşteyn Tibb Kolleci, Wall Street-in mərhum investoru David "Sandy" Gottesmanın 93 yaşlı həyat yoldaşı Ruth Gottesmanın ianəsi sayəsində bu müəssisədə tibb təhsilində inqilab olacaq.

Bu ianə, indiyə qədər ABŞ-da bir məktəb və tibb məktəbinə edilən ən böyük ianədir və Albert Eynşteyn Tibb Kollecində tibb təhsilinin gələcəyinə böyük təsir göstərəcək.

Bu ianə Nyu-Yorkun ən yoxsul rayonu olan və ştatın 62 rayonu arasında ən qeyri-sağlam rayon hesab edilən Bronksda həkim olmaq istəyənlər üçün ümid işığı olacaq.

Albert Eynşteyn Tibb Kollecində təhsil haqları hazırda ildə təxminən 59,000 dollar (46,500 funt sterlinq) təşkil edir ki, bu da tələbələrə əhəmiyyətli maliyyə yükü qoyur. Bu ianə ilə avqust ayından başlayaraq hazırkı tələbələr də daxil olmaqla bütün tələbələr pulsuz təhsildən yararlanacaqlar.