Mərkəzi Afrika ölkəsi Qabonda yaşayan Yamayonq Yamayonqun çənə nahiyəsindəki şiş ilk dəfə 2015-ci ildə şişlik kimi özünü göstərib.

Aztibb.az “TRT Haber”ə istinadən xəbər verir ki, gənc xəstə zamanla böyüməyə başlayan bu kütlədən xilas olmaq üçün ölkəsinin bir çox səhiyyə müəssisələrinə müraciət etsə də, müalicə oluna bilməyib.

İllər keçdikcə Yamayonqun şişi çənəsindən başının ölçüsünə qədər böyüdü. Dodaqları deformasiyaya uğradı, dişləri töküldü, nitqi çətinləşdi.

Kütlədən dodaqları deformasiyaya uğrayan, bir çox dişləri tökülən, ağzını bağlaya bilmədiyi üçün tüpürcək axmasına hakim ola bilməyən xəstə bərk qidalar qəbul edə bilməyərək nəfəs almaqda və danışmaqda çətinlik çəkirdi.

Şişin yaratdığı fiziki çətinliklərlə yanaşı, pasiyentin xarici görünüşü də dəyişdiyinə görə psixi pozğunluq da keçirib.

Ölkəsindəki həkimlərin tövsiyəsi ilə son çarə olaraq Türkiyəyə gələn Yamayonq, baş-boyun cərrahları prof. dr. Ozan Seymen Sezen və dos. dr. O, Sertan Şahin tərəfindən əməliyyat olunub.

Prof. dr. O.Sezenin rəhbərlik etdiyi əməliyyatda xəstənin təxminən 15 santimetr diametrdə olan xoşxassəli şişi tamamilə çıxarılaraq, toxuma transplantasiyası ilə xəstəyə süni çənə sümüyü hazırlanıb. Həyati sinirlərin və damarların keçdiyi ərazidə “incə iş” görülüb.

Türkiyəli həkimlərin uğurlu əməliyyatı sayəsində gənc sağlamlığına qovuşub və özünə inamını bərpa edərək ölkəsinə qayıdıb.

O.Sezen bildirib ki, bu çox uzun əməliyyatlar yaxşı planlaşdırma və komanda işi tələb edir.

Xəstənin ağır əməliyyat keçirməsinə baxmayaraq ciddi ağrılarının olmadığını bildirən Sezen, xəstənin sağalma prosesinin sürətli olduğunu və 7-10 gün ərzində normal həyatına qayıda biləcəyini bildirib.

Bu əməliyyatların həkimlər üçün xəstələrdən daha çətin olduğunu, bədənin ən mürəkkəb anatomiyalarından birinin boyun, çənə və baş nahiyəsində olduğunu bildirən Sezen, bu nöqtələrdən həyati sinirlərin və damarların keçdiyini bildirib.

Professor qeyd edib ki, əməliyyatda başqa bir çətinlik də şiş sahəsinin təmir mərhələsidir, çünki transplantasiya zamanı nahiyəni düzəldəcək toxuma damarları işləməli və sonradan bu toxumalar ölməməlidir.