Cənubi Koreyanın Jeju Milli Universiteti Tibb Kollecinin alimləri müəyyən ediblər ki, gecə işığının yüksək səviyyəsi yaşlı insanlarda görmə itkisinin əsas səbəbi olan yaşa bağlı makula degenerasiyasının sürətlənməsi ilə əlaqələndirilir.
Aztibb.az xəbər verir ki, müvafiq hesabat “JAMA Network Open” jurnalında dərc olunub.
Tədqiqatçılar yaşı 50-dən yuxarı olan 126 mindən çox koreyalının məlumatlarını təhlil ediblər. Demək olar ki, 4100 nəfərə makula degenerasiyası diaqnozu qoyulub. Bu insanların yaşadıqları yerlər gecə işığının səviyyəsini göstərən peyk şəkilləri ilə müqayisə edilib.
Məlum olub ki, ən yüksək səviyyədə süni açıq işığın olduğu şəhər yerlərində yaşayan yaşlı yetkinlərdə, süni işığın ən aşağı səviyyədə olduğu ərazilərdə yaşayanlara nisbətən makula degenerasiyasının inkişaf ehtimalı 2,17 dəfə çoxdur. Gecə vaxtı süni işıqlandırmanın aşağı səviyyədə olduğu ərazilərdə risk 12 faiz artıb.
Əlavə amillər - piylənmə, siqaret və alkoqol istehlakı - həmçinin gecə açıq havada işıqlandırma ilə yaşa bağlı makula degenerasiyası arasındakı əlaqəni gücləndirir.