Tənbəllik insan orqanizminin enerjiyə qənaət mexanizmidir. Belə anlarda insanlarda apatiya, diqqəti cəmləməkdə problemlər yaranır.

Aztibb.az “Actual News” portalına istinadən xəbər verir ki, bu barədə psixoterapevt İrina Kraşkina danışıb.

Həkimin sözlərinə görə, normal tənbəlliyi patoloji vəziyyətdən fərqləndirən əsas xüsusiyyət hərəkətsizliyin müddətidir. 1-2 həftə ərzində heç bir şeyi etmək istəməmək təhlükəsiz bir fenomen hesab edilə bilər. Bu vəziyyət daha uzun müddət keçmirsə, ixtisaslaşmış bir mütəxəssislə əlaqə saxlamaq daha yaxşıdır.

Bəzi hallarda güc çatışmazlığı ciddi xəstəliklərin əlaməti ola bilər. Psixoterapevtin sözlərinə görə, bir çox belə xəstəliklərin ilkin mərhələdə simptomları yoxdur, lakin təhlükəli proseslər artıq başlayıb və orqanizmin vəziyyətinə təsir göstərir.

Tənbəllik diabet, asteniya, hipertoniya və onkologiyanı göstərə bilər. Həkim tövsiyə edib ki, tənbəlliklə mübarizəyə əvvəlcə təkbaşına başlanılmalıdır. Bura idman etmək, təmiz havada gəzmək və stressdən qaçmaq cəhdləri daxildir. Əgər bu üsullar gücsüzdürsə və insan tənbəllikdən qurtula bilmirsə, onda tibbi yardıma baş vurulmalıdır.