Antarktidada qədim şəhərin kəşfi barədə məlumat açıqlanıb. Peyk məlumatları və ehtimal ki, qlobal istiləşmə nəticəsində çoxəsrlik qar və buzların əriməsi qədim yaşayış məskəninin üzə çıxmasına səbəb olub.

Aztibb.az “Planet Today” nəşrinə istinadən xəbər verir ki, alimlər qədim şəhərlərin küçələrinə bənzəyən piramidal formaları və naxışları xatırladan strukturları göstərən fotoşəkillər təqdim ediblər.

Peyk arxeologiyası üzrə mütəxəssislər daha əvvəl NASA astronavtlarının təxminən 300 metr dərinlikdə aşkar etdiyi nəhəng yeraltı boşluq ərazini araşdırıblar.

NASA rəsmiləri hələlik bu məlumatı şərh etməyiblər. Bu cür bəyanatların ciddiliyi və etibarlılığı sual altındadır.

Elmi ictimaiyyət məlumatı dəqiqləşdirmək üçün əlavə tədqiqatlar apara bilər. Bununla belə, Antarktidanın ucqar ərazilərinə ekspedisiyalar maliyyə və maddi-texniki problemlər səbəbindən çətinləşir və bu cür kəşfiyyat işləri çətin və baha başa gəlir.

Tədqiqat zamanı hər hansı dövrə aid insan skeleti, yaxud mumyanın tapılması barədə məlumat verilməyib.