İstənilən növ kələm yeməyin faydalarını diyetoloq Mixail Qinzburq sadalayıb.

Aztibb.az “Medik Forum” portalına istinadən xəbər verir ki, mütəxəssisin sözlərinə görə, kələm xərçəngə qarşı profilaktik olmaqla yanaşı, həm də immunitet sistemini gücləndirir. Məsələ burasındadır ki, bu tərəvəzin tərkibində bağırsaqların işini yaxşılaşdırmağa və viruslarla mübarizə aparmağa kömək edən çoxlu faydalı qidalar var.

Bu tərəvəz məhsulu lif, vitamin və antioksidantlarla zəngindir. Xüsusilə 60 yaşdan yuxarı insanlar üçün faydalıdır, çünki şəkər və xolesterin səviyyəsini aşağı salmağa kömək edir, həmçinin ağır metal duzlarını və radionuklidləri bədəndən çıxarır.

Bundan əlavə, kələm hüceyrə membranlarını qoruyan və yaddaşı yaxşılaşdırmağa kömək edən bir maddə ehtiva edir. Eyni zamanda, kələmdə xərçəng riskini azaldan sulforafan da var. Yarpaqların tərkibində olan askorbin turşusu insan orqanizminə virus infeksiyalarının öhdəsindən daha tez gəlməyə kömək edir.