Tədqiqatçılar, gəyirməyi bacarmayan insanların fiziki ağrı ilə yanaşı, xəcalət, narahatlıq və depressiya yaşadıqlarını müəyyən edib.

Aztibb.az “T24” internet qəzetinə istinadən xəbər verir ki, tibbdə R-CPD olaraq bilinən pozğunluq qarında şişkinliyə, sinə və boğazdan gələn səslərə, eləcə də qaza səbəb olur.

"Gəyirə bilməmək sindromu" olaraq da bilinən xəstəlik, boğazdakı krikofaringeal əzələ qazın yuxarıya doğru keçməsinə icazə verə bilmədikdə baş verir.

Londondakı Guy's & St Thomas Xəstəxanasının qulaq, burun və boğaz mütəxəssisi Yakubu Karaqama BBC-yə bildirib ki, o, 2016-cı ildən bəri bu xəstəlikdən əziyyət çəkən insanları krikofaringeus əzələsini rahatlaşdırmaq üçün botoks tətbiq edərək müalicə edir. Bu müalicə demək olar ki, hər bir xəstənin həyatını dəyişdirir.

Həkim bunun hazırda yalnız ixtisaslaşmış bir müalicə olduğunu vurğulayıb: Çünki səhiyyə işçiləri arasında bu vəziyyət haqqında məlumat azdır. Bir çox insanlar yaşadıqları simptomların bu vəziyyətdən qaynaqlandığını belə bilmirlər. Gəyirməyi bacarmayan 199 nəfərin sorğusuna əsaslanan bir araşdırmaya əsasən, səhiyyə işçiləri arasında vəziyyət haqqında məlumatlılığın aşağı olduğu və xəstəliyin daha yaxşı başa düşülməsinin diaqnoz və müalicə nisbətlərini yaxşılaşdıra biləcəyi qənaətinə gəlinib. Tədqiqat həm də diaqnozu çətin olan insanlarda ümumi "psixiatrik simptomların yayılmasını" və bu vəziyyətin psixi sağlamlığa təsirinin araşdırılmasının vacibliyini vurğulayır”.