Asan yolla arıqlamaq hər kəsin arzusu olsa da, bu mümkün deyil. Lakin alimlər buna çarə tapmaq üçün titrəyici həb yaradıblar.
Aztibb.az "TRT Haber"ə istinadən xəbər verir ki, yeməkdən əvvəl udulan bu dərman toxluq hissi verir.
İnsanlar üzərində hələ lazımi sınaqlar aparılmasa da, ilk təcrübələr donuzlar üzərində aparılıb. Məlum olub ki, həbi udduqdan yarım saat sonra donuzlar yedikləri yeməyin miqdarını orta hesabla 40 faizə qədər azaldıblar.
Alimlər bildirirlər ki, bu həb mədədəki gərginlik reseptorlarını aktivləşdirir və bu da orqanizmin orada qida varmış kimi hərəkət etməsinə səbəb olur.
Araşdırmalara görə, vagus siniri vasitəsilə beyindəki hipotalamusa göndərilən siqnallar toxluq hissi yaradır və aclığı yatıran hormonların səviyyəsini artırır.
Udulmuş kapsuldakı bir batareya tərəfindən təmin edilən vibrasiya ya bir taymer, ya da həb ətrafındakı membranı məhv edən mədə turşusu ilə təsirlənir.
Alimlər deyirlər ki, bu akkumulyator normal və problemsiz bağırsaqdan xaric ola bilir. Onlar həmçinin əlavə ediblər ki, böyük vitamin ölçüsündə olan həb müvəqqəti müalicə olacaq.
Bununla belə, onların başqa fikri də var: insanların bu həbi davamlı qəbul etməməsi üçün mədəyə oxşar funksiyaya malik implant yerləşdirmək.