Yaponiyada yerləşən Tsukuba Universitetinin alimləri ritmik musiqi ilə fiziki məşqlərin beynin icra funksiyalarını, o cümlədən yaddaşı, diqqəti əhəmiyyətli dərəcədə yaxşılaşdıra biləcəyini göstərən araşdırma aparıblar.

Aztibb.az xəbər verir ki, tədqiqatın nəticələri “Neuroscience” jurnalında təqdim olunub.

Əvvəlki təcrübələr artıq göstərib ki, ritmik musiqiyə çox həssas olanlar belə musiqi dinləməklə prefrontal korteksin funksionallığını yaxşılaşdırıblar. Yeni işdə alimlər musiqi və fiziki fəaliyyətin birləşməsinin bu effekti necə artıra biləcəyini anlamağa çalışıblar.

Tədqiqatda 18-26 yaş arası 48 sağlam insan iştirak edib. Üç dəqiqə ərzində onlar aşağı intensivlikli aerobik məşq edib, həmçinin ritmik musiqi dinləyiblər.

Məşq zamanı bədənlərinin buna reaksiya verdiyini və emosional oyanma yaşadığını görənlər üçün mütəxəssislər beynin sol dorsolateral prefrontal korteksində diqqət, yaddaş və düşüncə ilə əlaqəli aktivliyin artdığını aşkar ediblər. Alimlər izah ediblər ki, bu, konkret məqsədə çatmaq üçün lazım olan hərəkətləri planlaşdırmağa və diqqəti müəyyən bir mövzuya yönəltməyə imkan verəcək.

Yaponiyalı elm adamları hesab edirlər ki, tapıntılar beyin funksiyasını yaxşılaşdırmağa kömək edəcək xoş, asan və təsirli məşqlər hazırlamaq üçün faydalı ola bilər.