Uşaq yoluxucu xəstəlikləri mütəxəssisi Dr. Ayşe Kaman mövsümi təsirlərə görə uşaqlarda üst tənəffüs yolu infeksiyalarında artım olduğunu və xüsusilə 0-2 yaş arası körpələr üçün risk yaradan Respirator Sinsitial Virus (RSV) ilə ən çox qarşılaşdıqlarını söyləyib.

Aztibb.az “TRT Haber”ə istinadən xəbər verir ki, həkim son vaxtlar uşaqlarda ən çox rast gəlinən infeksiyalar və onların qarşısının alınması üsulları haqqında məlumat paylaşıb.

Havalar soyuduqca və qapalı yerlərdə qalma müddəti artdıqca uşaqlarda infeksiya tezliyinin artdığını ifadə edən A.Kaman, hər qış mövsümündə olduğu kimi uşaqlarla bağlı təcili yardım və poliklinika müraciətlərinin bu mövsümdə də çox olduğunu bildirib. Havalar dəyişdikcə uşaqların daha çox qapalı yerlərdə qalması ilə üst tənəffüs yolları infeksiyalarında artım müşahidə olunur. Xüsusilə məktəbə və uşaq bağçasına gedən uşaqlarda daha çox müşahidə edildiyinə, qızdırma, öskürək, boğaz ağrısı, burun axması, asqırma şikayətlərinin olduğuna diqqət çəkib.

RSV xüsusilə 2 yaşdan kiçik körpələr üçün yüksək riskli xəstəlikdir:

“RSV xüsusilə 2 yaşdan kiçik körpələr üçün yüksək riskli bir xəstəlikdir. Bronxiolit dediyimiz şey körpələrdə nəfəs alarkən xırıltıya (fısıltıya bənzər səs) səbəb olur. Ailələr körpələrinin öskürək, nəfəs darlığı kimi şikayətləri ilə müraciət edirlər”.

Viral infeksiyaların müalicəsində antibiotiklərin yeri olmadığına diqqət çəkən həkim, bakterial infeksiya olan “beta” diaqnozunda həkimin tövsiyə etdiyi dozada və müddətdə antibiotik müalicəsinin tətbiq edilməsi lazım olduğunu bildirib.

Həkim onu da qeyd edib ki, infeksiyalara qarşı ən yaxşı qorunma sağlam, balanslı qidalanma və yuxudur. Bu, immunitet sistemini gücləndirir.