Beyin zədələnməsi ilə bağlı dünyaca məşhur tədqiqatlar aparan, Massaçusets Ümumi Xəstəxanasında nevroloq kimi çalışan və TÜBA Akademiya Mükafatı sahibi, professor Cenk Ayata baş travmasının səbəb ola biləcəyi riskləri açıqlayıb.

Baş travmasının müxtəlif səviyyələrdə olduğuna diqqət çəkən C.Ayata, şüur itkisi olan və ya olmayan yüngül baş travmalarında MRT, KT kimi görüntüləmə üsulları ilə beyində meydana gələ biləcək hər hansı zədənin təsbit edilə bilməyəcəyini söyləyib.

Kəllə sümüyünün sınığı olmayan ikinci dərəcəli travmalarda görüntüləmə üsulları ilə beyində bəzi zədələrin təsbit edilə biləcəyini izah edən C.Ayata, 3-cü dərəcəli kəllə travmalarının ciddi beyin zədələnməsinə səbəb olduğunu və buna kəllə sınığı, güllə yarası kimi vəziyyətlərin də daxil olduğunu qeyd edib.

C.Ayata vurğulayıb ki, kəllə-beyin travmasının dərəcəsi və növü də beyin zədəsinin dərəcəsini müəyyən edir:

"Şüur itkisi ilə müşayiət olunan və ya olmayan yüngül kəllə-beyin travmalarında beyin funksiyalarında struktur pozğunluqları baş verir. Baxmayaraq ki, görüntülərdə beyin zədəsi görünmür. Lakin bu, yalnız mikroskopik müayinələrdə aşkar edilə bilər. Baş travması bir neçə müddətə davam edən sarsıntı əlamətlərinə səbəb ola bilər".

Bu nöqtədə önəmli olan baş travmasının təkrarlanmasının olmamasıdır. Əgər bir dəfə kəllə-beyin travması almış şəxs ikinci dəfə kəllə-beyin travması alırsa, istər yüngül, istərsə də güclü olsun, beyin zədələnməsi dəyən zərərdən bir neçə dəfə çox olur. İlk travma ilə qalıcı ziyan riski çox olur.