Diyetoloq və sağlam qidalanma haqqında kitabların müəllifi Rob Hobson bildirib ki, daimi aclıq hisslərinin səbəbi yuxusuzluq, stress, şirniyyat və çips kimi karbohidratlı qidalardan sui-istifadəsi ola bilər.

Aztibb.az xəbər verir ki, bu barədə “Daily Mail” məlumat yayıb.

Mütəxəssis yuxusuzluğun iştahın artması ilə birbaşa əlaqəli olduğunu bildirib. Xüsusilə, keyfiyyətsiz yuxu və ya qeyri-kafi yuxu mədədə qrelin istehsalını stimullaşdırır ki, bu da beyinə yemək ehtiyacı barədə siqnal verir. Eyni zamanda, toxluq hissindən məsul olan başqa bir hormon olan leptinin sintezi də maneə törədir.

R.Hobson həmçinin qeyd edib ki, qısamüddətli stress böyrəküstü vəzilər tərəfindən adrenalin ifrazına səbəb olur və bu, aclıq hissini müvəqqəti olaraq yatırır. Ancaq xroniki stress ilə bədəndə kortizolun konsentrasiyası artır. Bu hormon adrenal korteksdə də istehsal olunur, iştahı stimullaşdıra bilir.

Pis yemək vərdişləri də aclığı artıra bilər. Diyetoloq izah edib ki, bəzi insanlar bişmiş məmulatlar, şokolad, dondurma, fast food və çips kimi çox yağlı və şəkərli qidalar qəbul edirlər. Belə qidalarda çoxlu karbohidratlar və az miqdarda lif var - həzm üçün faydalı olan həzm olunmayan liflər.

Bu cür xüsusiyyətlərə malik qidalar bədən tərəfindən tez əmilir və qan şəkərinin səviyyəsinin sonrakı kəskin azalmasına səbəb olur, bu da aclığı artırır.