Saxalin Dövlət Universitetinin alimləri Oxot dənizindəki Aniva körfəzinin səthində xlorofil-a-nın yayılması ilə bağlı araşdırma aparıblar.

Aztibb.az “RİA Novosti”yə istinadən xəbər verir ki, universitetin məlumatında bildirildiyi kimi, akvatoriyada bu maddənin konsentrasiyası karbonun udulması və basdırılma səviyyəsinin, həm də dəniz ekosistemlərinin vəziyyətinin göstəricisidir.

Alimlər vurğulayıblar ki, dəniz ekosistemlərinin vəziyyəti Yerin iqliminə təsir edir və bilavasitə planetdəki karbon balansından asılıdır.

Tədqiqatın həmmüəlliflərindən biri, Saxalin Dövlət Universitetinin (SDU) professoru Vladimir Pişşalnik belə izah edib: “Oxot dənizini fitoplankton kimi mikroskopik bitkilərin həyati orqan rolunu oynadığı nəhəng bir akvarium kimi təsəvvür edə bilərsiniz.

Bu mikroorqanizmlər işıq enerjisini kimyəvi enerjiyə çevirmək, sudan və havadan karbon qazını (CO2) oksigenə və qida maddələrinə çevirmək üçün xlorofil-a-dan istifadə edirlər.

Alimlər ekologiya, iqlimşünaslıq, okeanoqrafiya və uzaqdan zondlama metodlarından istifadə edərək Oxot dənizindəki Aniva körfəzinin səth qatında xlorofil konsentrasiyasının məkan-zaman dəyişkənliyini təhlil ediblər.

Tədqiqat xlorofil-a konsentrasiyalarında dəyişikliklərin dəniz ekosisteminə və iqlim proseslərinə təsirini öyrənmək məqsədi daşıyıb.