Stress Test (Tredmil və ya fiziki yüklənmə testi də adlandırılır) - xəstənin ürəyinin iş yükünü hesablamağa imkan verir.

Aztibb.az-a “Funda Hospital"dan verilən məlumata əsasən, sözügedən test zamanı insan orqanizmi daha çox işlədikcə ürək daha çox qan vurmağa məcbur olur və daha çox enerji sərf olunur.

Ürəyi qidalandıran koronar arteriyalarda qan təchizatının pozulması olarsa, bu test vasitəsi ilə onu aşkar etmək olar.

Trendmil testi nə zaman etmək lazımdır?

- ürək-damar sistemi xəstəliklərinin araşdırılması üçün;
- fiziki gərginlik ilə aritmiyaların meydana gəlib-gəlmədiyini üzə çıxarmaq üçün;
- sinədə olan ağrı və təngnəfəsliyin ürəklə bağlı olub-olmamasını, aparılan müalicənin effektivliyini anlamaq üçün;
- fiziki gərginliyin arterial təzyiqin yüksəlməsinə nə dərəcədə təsir göstərdiyini aşkar etmək üçün;

Stress test EKQ-də təsbit edilməyən, lakin fiziki gərginlik sırasında meydana çıxan anormallıqları təyin etmək üçün də dəyərli bir müayinədir.