Azərbaycan Qida Təhlükəsizliyi İnstitutu (AQTİ) Baytarlıq preparatları üzrə normativ-texniki sənədlərin ekspertizası sektorunun aparıcı mütəxəssisi vəzifəsinə peşəkar kadrları işə dəvət edir.

AQTİ-dən Aztibb.az-a bildirilib ki, işə qəbul olmaq istəyən şəxslər aşağıdakı tələblərə cavab verməlidirlər:

- Baytarlıq, əczaçılıq və ya oxşar sahələr üzrə ali təhsilə malik olmalıdırlar;

- Baytarlıq, əczaçılıq, qeydiyyat və ya oxşar sahələr üzrə iş təcrübəsinə malik olmalıdırlar;

- Azərbaycan və ingilis dillərində sərbəst oxumağı, yazmağı və danışmağı bacarmalıdırlar. Bu dillərlə yanaşı, rus dili üzrə bilikləri olanlara üstünlük veriləcək;

- Kompüter bacarıqlarına (Word, Excell, PowerPoint) malik olmalıdırlar;

- İşdə intizamlı və məsuliyyətli olmalıdırlar;

- Xarici və daxili ezamiyyətlərdə iştirak edə bilməlidirlər;

- Görülən iş barədə günlük, aylıq, rüblük və illik hesabatların verilməsini bacarmalıdırlar.

Aparıcı mütəxəssis vəzifəsinə yiyələnəcək şəxsin görəcəyi işlər aşağıdakılardan ibarətdir: 

- Baytarlıq preparatları üzrə normativ-texniki sənədlərin ekspertizasının həyata keçirilməsi;

- Rəhbərliyin tapşırıqlarının vaxtında və dəqiq yerinə yetirilməsi.  

Tələblərə cavab verən namizədlər özləri barədə məlumatlara dair anket formasını (CV) mövzu yerinə “Baytarlıq preparatları üzrə normativ-texniki sənədlərin ekspertizası sektorunun aparıcı-mütəxəssisi” yazaraq hr.aqti@afsa.gov.az elektron poçt ünvanına göndərə bilərlər. CV-lər təhlil edildikdən sonra namizədlərlə əlaqə saxlanılacaq.