TƏBİB Tibbi təhsil və innovasiyalar departamentinin Tədqiqatlar və protokolların tətbiqi şöbəsinə böyük məsləhətçi vəzifəsi üzrə vakansiya elan edir.

Aztibb.az-a TƏBİB-dən bildirilib ki, namizədin görəcəyi işlər aşağıdakılardır:

• Müasir tibb elminin nailiyyətləri əsasında yeni profilaktika, diaqnostika və müalicə metodlarını, eləcə də müvafiq sahədə qabaqcıl təcrübənin araşdırılması və tətbiq edilməsi;
• Xidmətin keyfiyyətinin yaxşılaşdırılması üçün strateji dəyişikliklərin planlaşdırılması və həyata keçirilməsi;
• Klinik protokolların tətbiqi və tədqiqatların aparılması üçün yeni layihələrin planlaşdırılması və reallaşdırılması;
• Tibb müəssisələrinin fəaliyyətinin standartlar əsasında təşkili və təkmilləşdirilməsi işində iştirak və rəyin bildirilməsi;
• TƏBİB-in tabeliyində çalışan tibb mütəxəssislərinin diaqnostik müayinə və müalicə proseslərinin kliniki protokol, müayinə və müalicə standartlarına, icbari tibbi sığorta sisteminin tələblərinə uyğunlaşdırılması istiqamətində işlərin görülməsi;
• Tibb müəssisələrində tədqiqatlar və protokollara cavabdeh şəxslərlə qarşılıqlı əməkdaşlığın edilməsi;
• Şöbənin səlahiyyətlərinə uyğun daxil olan ərizə, şikayət və təkliflərə baxılması və müvafiq tədbirlərin görülməsi;
• Fəaliyyəti üzrə ezamiyyə səfərlərinin həyata keçirilməsi, beynəlxalq təcrübənin öyrənilməsi və uyğun təcrübənin tətbiq edilməsi.

   

  Ətraflı: https://tabib.gov.az/vetendashlar-ucun/vakansiyalar/26?fbclid=IwAR06if3C-Wo5sCf41Sjj-hmTKxp7yzfESEZEWIcmHTxKk_8PP33Lhk9ua_I