Böyük Britaniya dünyanın ən pis dişlərinə sahibdir
30.11.2023 08:38

Türkiyəli diş həkimi İngiltərədəki uğursuz stomatologiya sistemini əsas gətirərək Türkiyədə diş müalicəsi etmək istəyən britaniyalıların sayında artım olduğunu açıqlayıb.

Aztibb.az xəbər verir ki, türk diş həkimi İngiltərənin “Daily Mail” qəzetinə verdiyi açıqlamada İngiltərədəki diş baxımının vəziyyətinə reaksiya verib:

"Müştərilərimizin 60%-dən çoxu britaniyalıdır və bu, yüksək xərclər və görüş almaqda çətinliklər səbəbindən Böyük Britaniyanın diş sağlamlığı sistemində təcili islahatlara ehtiyac olduğunu göstərir".

Dr. Gülay Akay 15 illik təcrübəyə malik təcrübəli diş həkimidir. O, 2019-cu ildən etibarən Türkiyədə müalicə üçün müraciət edən Britaniya xəstələrinin sayındakı artımın indi dalğaya çevrildiyini açıqlayıb.

Keçən il 2200-dən çox britaniyalı xəstə Türkiyə xəstəxanalarında diş müalicəsi aldığı halda, bu il bu rəqəmin 5500-ə yüksəldiyi və müştərilərinin 60%-ni təşkil etdiyini bildirib.

Bu narahatedici tendensiya Britaniya vətəndaşlarının öz ölkələrində stomatoloqları ilə görüş təyin etməkdə çətinlik çəkməsi və Böyük Britaniyada şəxsi qayğı xərclərinin bir çox insanlar üçün qadağan olması ilə əlaqələndirilir.

Xəstələrin 80 faizinin diş sağlamlığı zəifdir

G.Akay, britaniyalıların diş sağlamlığının "bu günə qədər ən pis" olduğunu söyləyib. Qeyd edib ki, İngiltərədəki xəstələrinin ən azı 80%-i zəif diş baxımından qaynaqlanan əsas tibbi problemlərlə üzləşib.

Vəziyyət o həddə çatıb ki, xəstələr lazımi qayğı olmadan illər keçirib, iztirablarını yüngülləşdirmək üçün ekstremal tədbirlərə əl atırlar.

Hər il 250 min insan diş müalicəsi üçün gəlir

Türkiyə Diş Həkimləri Dərnəyinin hesablamalarına görə, müalicənin sərfəli olması səbəbindən hər il əksəriyyəti Britaniyadan olan təxminən 250.000 əcnəbi diş müalicəsi üçün Türkiyəyə səfər edir.

G.Akay sağlamlıq turizminin təhlükəsizliyi ilə bağlı narahatlıqları etiraf etsə də, Türkiyə xəstəxanalarında görülən şok hadisələrin onların Britaniya diş həkimlərinin standartlarını tənqid edəcək mövqedə olmadıqlarını göstərdiyini söyləyib.

Britaniya Diş Həkimləri Assosiasiyasının bu yaxınlarda keçirdiyi sorğunun nəticəsində ölkədə stomatoloqların böyük qisminin pandemiyadan sonra azaldığı və özəl praktikaya keçməyi planlaşdırdığı ortaya çıxıb.

Nərgiz Qəhramanova
Müəllifin digər yazıları