Elm və Təhsil Nazirliyinin Molekulyar Biologiya və Biotexnologiyalar İnstitutunun təşkilatçılığı ilə böyük alim və ictimai-siyasi xadim, akademik Cəlal Əliyevin 95 illik yubileyinə həsr edilmiş “Cəlal Əliyev qiraətləri” keçiriləcək.
Aztibb.az-a AMEA-dan verilən məlumata görə, tədbirdə əsas məruzəçi Macarıstan Elmlər Akademiyasının Bitki Biologiyası İnstitutunun Bioloji Tədqiqat Mərkəsinin laboratoriya müdiri, fotosintez tədqiqatları sahəsində tanınmış alim, prof. Gyozo Garab olacaq. Tədbirdə, həmçinin fotosintez sahəsində yüksəkixtisaslı yerli alimlərin aktual mövzular üzrə məruzələri dinləniləcək.
Seminarda iştirak etmək istəyənlərdən afig.mammadov@gmail.com və ya ulduzagurbanova@gmail.com e-mail ünvanına özləri haqqında məlumatları təqdim etməklə qeydiyyatdan keçmələri tələb olunur.
