27-28 noyabr 2023-cü il tarixlərində Dövlət Gömrük Komitəsinin Tibbi Xidmət İdarəsinin Elmi Təcrübi və Tədris Mərkəzinin və Mərkəzi Gömrük Hospitalının birgə təşkilatçılığı ilə Ümummilli Lider Heydər Əliyevin 100 illik yubileyinə həsr edilmiş "Ana və uşaq sağlamlığı: mövcud problemlərə müasir baxış” mövzusunda beynəlxalq elmi konqres keçiriləcək.

Mərkəzi Gömrük Hospitalından Aztibb.az-a verilən məlumata görə, tədbirdə 27 noyabr tarixində mama-ginekologiyaya, 28 noyabr tarixində isə neonatologiya və pediatriyaya dair aktual mövzuların müzakirəsi aparılacaq. Konqresdə Azərbaycan, Türkiyə və İngiltərədən olan yüksəkixtisaslı mütəxəssislərin təqdimatları dinləniləcək və auditoriyanı maraqlandıran suallar cavablandırılacaq.

Konqresin akreditasiya edilməsi üçün Səhiyyə Nazirliyinə müraciət ediləcəkdir.

Tədbir əyani olaraq Bakı şəhərində, distant olaraq ZOOM platformasında həyata keçiriləcəkdir.

Beynəlxalq konqres mama-ginekoloq, neonatoloq və pediatrlar üçün nəzərdə tutulub.

Konqresdə iştirak ödənişsizdir.

Qeydiyyatdan keçən şəxslərlə əlaqə saxlanılacaq.

Qeydiyyatdan keçmək üçün link: https://forms.gle/tNWjcd8cFXBkdmLd7

Əlavə məlumat almaq üçün 051 232 66 64 nömrəsi ilə əlaqə saxlaya bilərsiniz.