Oktyabrın 28-də Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının və Azərbaycan Radioloqlar Cəmiyyətinin birgə təşkilatçılığı, eləcə də “Bayer” şirkətinin əməkdaşlığı ilə Azərbaycan Radioloqlarının III Beynəlxalq Elmi–Praktik Konfransı keçiriləcək.

Mərkəzi Gömrük Hospitalından Aztibb.az-a bildirilib ki, konfranda Azərbaycan, Türkiyə, İngiltərə və Moskvadan olan ekspertlər tərəfindən müxtəlif xəstəliklər zamanı düzgün radioloji yanaşmanın vacibliyi barədə ümumilikdə 17 məruzənin dinlənilməsi planlaşdırılır. 

Tədbir proqrama uyğun olaraq xüsusilə radioloq, neyrocərrah, onkoloq, kardioloq, ürək-damar cərrahı, ümumi cərrah, pediatr, pulmonoloq, torakal cərrah, nevroloq, endokrinoloq, neonatoloq və qastroenteroloq ixtisasına malik həkimlər üçün nəzərdə tutulub.

Konfransın akkreditasiya edilməsi üçün Səhiyyə Nazirliyinə müraciət edilmişdir.

Beynəlxalq konfrans ZOOM platforması üzərindən həyata keçiriləcək.

Yerlər məhdud olduğu üçün qeydiyyatdan keçmək mütləqdir!

Konfransda iştirak ödənişsizdir. 

Qeydiyyat üçün link: https://us06web.zoom.us/webinar/register/WN_dCr9B4V-QDqzbThS9SwJ9A?fbclid=IwAR0cNpfd3hqACNHtacdOVB6Y8DdtaYD7RVPeSNj8OED8-fOuG0nESPD5jPA#/registration 

Proqramla tanış olmaq üçün: customshospital.az