Noyabrın 15-də saat 13:00-da JW Marriot Abşeron oteldə "Kistik Fibroz Xəstələrinə Yardım" İctimai Birliyi tərəfindən Ulu Öndər Heydər Əliyevin anadan olmasının 100 illiyinə həsr olunmuş "Kistoz fibroz - Standart müalicədən modulyator müalicəsinə doğru" mövzusunda elmi-praktiki konfrans keçiriləcək.
Aztibb.az-a "Kistik Fibroz Xəstələrinə Yardım" İctimai Birliyindən verilən məlumata görə, tədbir Azərbaycan Respublikası Səhiyyə Nazirliyi və Azərbaycan Pediatriya Cəmiyyətinin təşkilatı dəstəyilə il baş tutacaq.
Konfransda Azərbaycan və Türkiyənin mütəxəssis həkimləri tərəfindən kistoz fibrozun bütün tərəfləri - diaqnostika, müayinə və müalicəsi, eləcə də ən yeni, keyfiyyətli modulyator müalicədə beynəlxalq təcrübəyə dair müzakirələr aparılacaq.
Qeyd edək ki, bu il "Kistik Fibroz Xəstələrinə Yardım" İctimai Birliyinin təsis olunmasından 6 il ötür. Tədbirdə Birliyin altı il ərzində gördüyü işlər, əldə etdiyi nailiyyətlər, mövcud problemlər, qarşıya qoyulan məqsədlər, həmçinin pasiyent advokasiyasında irəliləyişlər, müalicədə dərman təminatının davamlılığı və s. haqqında təqdimatlar olacaq.
Elmi konfrans akkreditə olunub, yerlər məhduddur.
Kistoz fibroz xəstələrinin diaqnostikası və müalicəsi ilə maraqlanan həkimlər - pediatr, pulmonoloq, qastroenteroloq, endokrinoloq, terapevt və fizioterapevtlər tədbirdə iştirak edə bilər.
Konfransda iştirak üçün qeydiyyatdan keçmək mütləqdir!
Qeydiyyat üçün link: https://forms.gle/LvG85EVbYxMNjsyT8
