TƏBİB tabeliyində olan tibb müəssisələrində hüquqşünas vəzifəsi üzrə vakant yerlər elan edir
18.10.2023 17:16
Tibbi Ərazi Bölmələrini İdarəetmə Birliyi (TƏBİB) tabeliyində olan tibb müəssisələrində hüquqşünas vəzifəsi üzrə vakant yerlər elan edir.
 
TƏBİB-dın Aztibb.az-a bildirilib ki, mövcud iş yerləri aşağıdakılardır:
 
• Ağstafa Rayon Mərkəzi Xəstəxanası;
• Balakən Rayon Mərkəzi Xəstəxanası;
• Xocalı Rayon Mərkəzi Xəstəxanası (Goranboy rayonu);
• Siyəzən Rayon Mərkəzi Xəstəxanası;
• Ağsu Rayon Mərkəzi Xəstəxanası;
• Astara Rayon Mərkəzi Xəstəxanası;
• Qax Rayon Mərkəzi Xəstəxanası;
• Şəmkir Rayon Mərkəzi Xəstəxanası;
• Suraxanı Tibb Mərkəzi;
• Respublika Neyrocərrahiyyə Xəstəxanası;
• Respublika Endokrinoloji Mərkəzi;
• Tibbi Reabilitasiya Mərkəzi;
• Pirallahı Tibb Mərkəzi.
 
Əməkhaqqı:
• “Tibbi Ərazi Bölmələrini İdarəetmə Birliyi” publik hüquqi şəxsin tabeliyindəki tibb müəssisələrində çalışan səhiyyə işçilərinin əməyinin ödənilməsi Qaydasına uyğun olaraq tənzimlənir.
 
Tələb olunan bilik, təcrübə və bacarıqlar:
• Ali hüquq təhsili (hüquqşünaslıq və beynəlxalq hüquq ixtisası üzrə);
• Sahə üzrə ən azı 1 il iş təcrübəsi;
• Kompüter bilikləri: Microsoft Office (sərbəst səviyyədə).
 
Şəxsi keyfiyyət və bacarıqlara dair tələblər:
• Komandada işləmə;
• Məsuliyyətlilik;
• İntizamlılıq;
• Nəticəyönümlülük;
• Dəqiqlik;
• Analitik araşdırma.
 
İşin təsviri:
• Tibb müəssisəsinə daxil olmuş normativ hüquqi aktların və digər sənədlərin, beynəlxalq, mülki, idarələrarası və s. müqavilələrin, təşkilati-sərəncamverici sənədlərin layihələrinin hüquqi ekspertizasının həyata keçirilməsi, onların qanunvericiliyə uyğunluğunun yoxlanılması;
• Tibb müəssisəsinin digər struktur bölmələri tərəfindən hazırlanmış sənəd layihələrinin (əmr, məktub, arayış, sorğu, akt və s.) hüquqi ekspertizasının həyata keçirilməsi və onların qanunvericiliyə uyğunluğunun yoxlanılması;
• Tibb müəssisəsinin daxili normativ sənədlərinin hazırlanması və təsdiq edilməsi ilə bağlı müvafiq tədbirlərin həyata keçirilməsi;
• Qanunvericiliyin tələblərinin pozulması halları aşkar edildikdə, bu halların araşdırılması;
• Tibb müəssisəsinin fəaliyyətini tənzimləyən daxili qaydaların, təlimatların və digər normativ sənədlərin layihələrinin hazırlanması, digər struktur bölmələr tərəfindən hazırlanan ilkin layihələrin və qəbul edilmiş sənədlərin təhlil edilməsi, onların təkmilləşdirilməsinə dair təkliflərin hazırlanması;
• Tibb müəssisəsinin normativ hüquqi aktlarla təminatın yaxşılaşdırılması üzrə müvafiq tədbirlərin həyata keçirilməsi;
• Tibb müəssisəsinin digər struktur bölmələrinin fəaliyyəti prosesində qarşıya çıxan məsələlərə dair hüquqi məsləhətlərin verilməsi, arayışların və rəylərin hazırlanması;
• Hüquqi məsələlərlə bağlı tibb müəssisəsinin təmsil edilməsi;
• Tibb müəssisəsinin iştirak etdiyi məhkəmə proseslərində tibb müəssisəsini iddiaçı və cavabdeh qismində, eləcə də digər prosessual statusda təmsil etmək, hüquq və qanuni mənafelərinin müdafiə edilməsi, bununla əlaqədar məhkəmə sənədlərinin (iddia ərizələrinin, iddia ərizələrinə dair etirazların, apellyasiya, kassasiya və əlavə kassasiya şikayətlərinin və s.) hazırlanmasının təmin edilməsi;
• Hüquqi məsələlərlə bağlı dövlət orqanlarında, fiziki və hüquqi şəxslərlə münasibətlərdə tibb müəssisəsinin təmsil edilməsi, onun qanuni maraqlarının müdafiə edilməsi;
• Tibb müəssisəsinin icraatında olan işlərə qanunvericiliyin tələbinə uyğun şəkildə baxılması, rəy verilməsi və icrası ilə əlaqədar müvafiq sənədlərin layihələrinin hazırlanmasının təmin edilməsi;
• Vətəndaşlardan, dövlət orqanlarından, idarə, müəssisə, yerli və beynəlxalq təşkilatlardan daxil olan müraciətlərin və sorğuların qanunvericiliyə uyğun olaraq baxılmasını və müvafiq tədbir görülməsinin təmin edilməsi;
• Tibb müəssisəsinin fəaliyyəti ilə bağlı əmr və sərəncam layihələrinin hazırlanması;
• Tibb müəssisəsinin fəaliyyəti prosesində qarşıya çıxan məsələlərə dair hüquqi məsləhətlərin verilməsi, arayış və rəylərin hazırlanması;
• Tibb müəssisəsinin fəaliyyəti ilə bağlı müqavilələrin tərtib edilməsi, o cümlədən təqdim edilmiş müqavilələrin hüquqi ekspertizasının həyata keçirilməsi;
• Müqavilə sənədlərinin və digər sənədlərin icrası ilə əlaqədar digər struktur bölmələrin əməkdaşlarına hüquqi məsləhət verilməsi;
• Mövcud qanunvericiliyin tələbləri və mümkün hüquqi risklər baxımından sənədlərə hüquqi nəzarətin həyata keçirilməsi;
• Əməkdaşlara tibb müəssisəsinin səlahiyyətləri, fəaliyyətinin əsas istiqamətləri üzrə hüquqi məsləhətlərin verilməsi və tibb müəssisəsinin fəaliyyətini tənzimləyən yeni qəbul edilmiş hüquqi aktlar barədə onların məlumatlandırılması.
 
Müraciət qaydası:
• Vakansiyaya son müraciət tarixi: 10.11.2023
• CV-lər [email protected] ünvanına göndərilməlidir;
• Göstərilən tələblərə cavab verən namizədlərdən CV-ni mövzu yerində çalışmaq istədiyi müəssisənin adını və vəzifəni (məsələn, “Suraxanı Tibb Mərkəzi-Hüquqşünas”) qeyd edərək göndərmələri xahiş olunur.
 
Müraciətlər nəzərdən keçirilərək, yalnız yuxarıda göstərilən müraciət qaydalarına riayət edən və tələb olunan sənədləri təqdim edən namizədlərlə əlaqə saxlanılacaqdır.
 
Qeyd: TƏBİB İT təhlükəsizliyi səbəbindən bu domenlərdən məktub qəbul etmir: yandex.ru, mail.ru, list.ru, inbox.ru, bk.ru, yahoo.com.
Müraciətinizi başqa domenli elektron poçt ünvanlarından göndərməyiniz xahiş olunur.
Nərgiz Qəhramanova
Müəllifin digər yazıları
ÇOX OXUNANLAR
Elmi-Tədqiqat Kardiologiya İnstitutunun həkim briqadası tərəfindən Laçında kardioloji müayinələr keçirilib
Diaqnoz Tibb Mərkəzinin şöbə müdiri 
     Yeni Klinikada direktor müavini vəzifəsinə yeni təyinat           
“Xəstəxanadaxili infeksiyaların idarə olunması: Sepsis və antibiotikterapiya” mövzusunda beynəlxalq konfrans keçiriləcək
Tovuz rayonundan olan şəhid, qazi və aztəminatlı ailələr üçün tibbi aksiya
 Nobel mükafatçısı Əziz Sancar Azərbaycan Tibb Universitetində mühazirə oxuyub   
Azərbaycanda bir nəfərdə
 Elmi-praktik seminar: “Qalxanabənzər vəzin follikulyar düyünlərinin diaqnostika və müalicəsinə müasir yanaşma”    
Süni intellekt və tibbi transhumanizm: Diaqnoz, müalicə və proqnozlaşdırma sahəsində irəliləyişlər
Ürək-damar xəstəlikləri ilə mübarizə aparmağın yolları
Ürək döyüntülərinə nə səbəb olur?
Lənkəran Rayon Mərkəzi Xəstəxanasının gənc qastroenteroloqu - Köçəri Köçərli
Mircəlal Kazımi:
Səhiyyə Nazirliyi və TƏBİB-in birgə məlumatı: Daha iki nəfər qarayara xəstəliyinə yoluxub 
TƏBİB İnsan resursları departamentinə işçi axtarır