Sentyabrın 28-də Ümummilli Lider Heydər Əliyevin anadan olmasının 100 illiyinə həsr edilmiş "Kardiologiya və kardiovaskulyar cərrahiyyədə yeniliklər" mövzusunda beynəlxalq elmi konfrans keçiriləcək.

Mərkəzi Gömrük Hospitalından Aztibb.az-a verilən xəbərə görə, tədbir Dövlət Gömrük Komitəsinin Tibbi Xidmət İdarəsinin Elmi Təcrübi və Tədris Mərkəzinin və Gömrük Hospitalının birgə təşkilatçılığı, Naxçıvan Baş Gömrük İdarəsinin və Naxçıvan Muxtar Respublikası Səhiyyə Nazirliyinin dəstəyi ilə baş tutacaq.

Konfransda kardiologiya və kardiovaskulyar cərrahiyyədə müasir trendlər, o cümlədən mövzu ilə əlaqəli sıx rast gəlinən müzakirəli mövzular barədə yüksəkixtisaslı mütəxəssislər tərəfindən təqdimatlar ediləcək.

Proqrama uyğun olaraq Konfrans radioloq, ürək-damar cərrahı, kardioloq, nefroloq, fizioterapevt, ümumi cərrah, onkoloq ixtisasına malik həkimlər və rezidentlər üçün nəzərdə tutulubr.

"Heydər Əliyev İli" çərçivəsində həyata keçiriləcək Konfransın Ulu Öndərin doğulduğu Naxçıvan şəhərində həyata keçirilməsi planlaşdırılır.

Tədbir Azərbaycan Respublikası Səhiyyə Nazirliyinin "Davamlı Tibbi Təhsil üzrə elm və tədris tədbirlərinin akkreditasiya Qaydaları" əsasında akkreditasiya olunaraq 10 DTT balı ilə qiymətləndirilib.

Konfransda iştirak ödənişsizdir.

Proqramla tanış olmaq üçün link: https://customshospital.az/mt-https://aztibb.az/az/content/uploads/2023/09/proqram28.pdf

Əlavə məlumat almaq üçün 051 232 66 64 nömrəsi ilə əlaqə saxlaya bilərsiniz.