Gənc jurnalist Şəfiqə Nazimqızının sağlamlığına qovuşması üçün dəstəyə ehtiyacı var.

Aztibb.az xəbər verir ki, yenicə ana olan Şəfiqə Nazimqızında kəskin leykoz xəstəliyi aşkarlanıb. Xoşbəxtlikdən ilik nəqli üçün qardaşı donor kimi uyğun olsa da, ailəsinin maddi imkanı bu əməliyyatın xərcini qarşılayacaq səviyyədə deyil.

"Təcili köməyiniz lazımdır, 14 gün vaxtım var.

Həyatımın ən gözəl çağında, 5 illik həsrətdən sonra dünyaya gələcək övladımı qucağıma alacağım günlərin tam sonunda kəskin leykoz xəstəsi olduğum aşkarlanıb. Yüksək həyati risklə övladım doğulub, onu xəstəxanada ailə üzvlərimizə tapşırıb yoldaşımla Türkiyəyə müalicəyə getmişəm. Avqustun 1-dən sentyabrın 13-dək yoldaşımla mənim iş yerimiz, Global Media Qrupun maddi dəstəyi ilə Anadolu xəstəxanasında müalicə, ximyaterapiyalar almışam. Tam sağalmağım üçün ilik nəqli lazımdır. Oktyabrın 4-10 arasında transplantasiya həyata keçirilməlidir. Onun üçün maddi imkanımız yoxdur və təxminən 50 min dollardan çox pul lazımdır. 

Allahdan ümid kəsilməz deyiblər. Bu pulun yığılmasında yardımsevər insanların köməyinə ehtiyacımız var. Məbləğ böyük görünür, lakin dama-dama göl olar deyiblər. Qızımı özüm böyütmək istəyirəm, inşallah bir gün sağalmağımla bağlı status paylaşacağıma inanıram", - deyə Şəfiqə Nazimqızı feysbuk səhifəsində paylaşım edib.

Kart hesabı: 4127214121989898