Elm və Təhsil Nazirliyinin Dendrologiya İnstitutunun əməkdaşlarının həmmüəllifi olduqları “Qan damarlarını bərpa edən fito maddələr və faydalı bitkilər” (xalq və ənənəvi təbabət üsulları əsasında) kitabı işıq üzü görüb.
Bu barədə Aztibb.az-a Dendrologiya İnstitutundan xəbər verilib.
Kitab xalq və ənənəvi təbabətdə istifadə olunan dərman bitkiləri, onlardan hazırlanmış ekstraktlar, fito maddələr, qarışıqlar, həb qranula, dəmləmələr, bişirmələr və meyvə tərəvəz qarışımlarının köməyi ilə müxtəlif səbəblərdən tutulmuş damarların (arteriya, vena) aşılması yollarından bəhs edir. Əsərdə damar tutulmalarının yaranması və inkişafı səbəbləri və xəstələyin ənənəvi və xalq təbabəti metodları vasitəsilə müalicəsi ətraflı şəkildə şərh edilib. Kitab bu xəstəliyə tutulmuş insanları maarifləndirmək, onların sağaldılmasına göstərilən vasitə və üsullar haqqında ətrafı məlumatlar verilməsi məqsədi ilə yazılıb.
Monoqrafiya geniş oxucu kütləsi üçün nəzərdə tutulub.
