Sentyabrın 16-da Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının və “Bayer” şirkətinin birgə təşkilatçılığı ilə “Müxtəlif patologiyalarda dinamik kontrastlı MRT müayinələri və onların diaqnostik xüsusiyyətləri” mövzusunda elmi konfrans və master-klass keçiriləcək.

 

Gömrük Hospitalından Aztibb.az-a bildirilib ki, konfransda yüksəkixtisaslı mütəxəssislər tərəfindən süd vəzi və prostat xərçəngi, qaraciyər patologiyaları, beyin törəmələri və sellar patologiyalarda MRT müayinələrinin diaqnostik əhəmiyyətinə dair təqdimatlar ediləcək, o cümlədən beyin perfuziya, traktoqrafiya və spektroskopiya müayinələri barədə master-klass təşkil ediləcək.

 

Proqrama uyğun olaraq konfrans radioloq, neyrocərrah, ürək-damar cərrahı, onkoloq, kardioloq, qastroenteroloq ixtisasına malik həkimlər və rezidentlər üçün nəzərdə tutulub.

 

Hər kəs üçün əlçatanlığı təmin etmək məqsədilə tədbir hibrid formatda təşkil olunacaq. Konfrans əyani şəkildə saat 14:00-dan 18:00-dək Mərkəzi Gömrük Hospitalının akt zalında, distant olaraq isə "ZOOM" platformasında həyata keçiriləcək.

 

Konfransın akkreditasiya edilməsi üçün Səhiyyə Nazirliyinə müraciət edilib.

 

Tədbirdə iştirak ödənişsizdir!

 

Yerlər məhdud olduğu üçün qeydiyyatdan keçmək MÜTLƏQDİR!

 

Proqramla tanış olmaq üçün link: https://customshospital.az/.../upl.../2023/09/proqram-16.jpg

 

Qeydiyyat linki: https://forms.gle/fDoX2xG3xA67Nevj8