Kiel Universiteti və Təkamül Biologiya İnstitutunun alimləri təxminən üç əsrdir davam edən vəba xəstəliyinin təkamülünü təhlil edib və belə nəticəyə gəliblər ki, mutasiya qabiliyyətinə görə virus bu gün də təhlükə yarada bilər.
Aztibb.az planet-today.ru-ya istinadən xəbər verir ki, ekspertlər 11-16-cı əsrlər arasında Danimarkanın iki kilsə qəbiristanlığında dəfn edilmiş 42 nəfərin skelet qalıqlarını tədqiq ediblər. Təhlil göstərib ki, başlanğıcda vəba birə vasitəsilə ötürülə bilməzdi və bu, pandemiyaların qarşısını almağa kömək edib. Lakin sonradan virus mutasiyaya uğrayaraq virulentliyini kəskin şəkildə artırıb və nəticədə qlobal fəlakətlərə səbəb olub.
"Yeni genetik elementlərin əldə edilməsi infeksiyanın yeni simptomlarına səbəb ola bilər... Bundan əlavə, vəba patogeninin bəzi ştammları artıq müxtəlif antibiotiklərə qarşı müqavimət göstərir və bu, virusu potensial olaraq daha da təhlükəli edir", - tədqiqatda bildirlir.
