ABŞ-ın Florida Universitetinin alimləri belə qənaətə gəliblər ki, bişməmiş muskat şərabı içmək dərinin qocalma prosesinə müsbət təsir edir, dərini daha möhkəm və elastik edir.

Aztibb.az xəbər verir ki, müvafiq nəticələr Amerika Qidalanma Assosiasiyasının NUTRITION 2023 İllik Yığıncağında təqdim olunub. Belə ki, tədqiqat zamanı 40 yaşdan yuxarı 17 qadın iki qrupa bölünüb. Birinci qrup altı həftə ərzində gündə 300 ml muskat şərabı, ikinci qrup isə plasebo qəbul edib.

Bu müddətin sonunda tədqiqatçılar iştirakçıların dəri elastikliyini ölçüblər, bundan sonra qruplar yerlərini dəyişdiriblər və təcrübə təkrarlanıb.

Tədqiqat müəyyən edib ki, muskat şərabının müntəzəm istehlakı nəmləndirmə və xarici zərərlərdən qorunmaq sayəsində dərinin gəncliyini qoruyub saxlamağa və vəziyyətini yaxşılaşdırmağa kömək edir.

Alimlər hesab edirlər ki, bu faydalı təsir muskat şərabında polifenolların olması ilə bağlıdır. Bu maddələr bədənə sərbəst radikallarla mübarizə aparmağa kömək edən və hüceyrə zədələnməsinin qarşısını alan və bununla da xroniki xəstəlik riskini azaldan antioksidantlardır.