Əhali üçün nəzərdə tutulan maarifləndirmə materiallarında xəstəliklərin profilaktikası, sağlam həyat tərzi, zərərli vərdişlərin mənfi təsirləri, gigiyena qaydaları, ailə planlaşdırılması, məişət zorakılığının qarşısının alınması və digər mövzular barədə ətraflı məlumat və tövsiyələr yer alıb. Materiallar əlçatanlığın təmin olunması məqsədilə www.isim.az saytında resurslar bölümündə yerləşdirilib (https://www.isim.az/az/pages/20-Resurslar).

 

Mərkəz tərəfindən tərtib olunan və Azərbaycan Respublikası Səhiyyə Nazirliyinin Elmi-Tibbi Şurası tərəfindən təsdiq olunan klinik protokollar hər hansı nozologiya və ya sindrom zamanı düzgün yardım göstərilməsi ilə bağlı qərar qəbul etməkdə həkimə kömək edən tövsiyələr toplusudur. Tibb işçiləri üçün qiymətli vəsait olan 91 klinik protokola, o cümlədən yenilənmiş 65 klinik protokola əlçatanlıq təmin olunub və saytda təlimatlar bölümünə yerləşdirilib.