Türk Əməkdaşlıq və Koordinasiya Agentliyi (TİKA) Ukraynanın Rivne şəhərindəki Rivne Regional Uşaq Xəstəxanasına tibbi cihaz dəstəyi verib.

Bu barədə Aztibb.az medimagazin.com.tr-yə istinadla xəbər verir.

TİKA-dan verilən açıqlamaya görə, avadanlıqların təhvil verilməsi mərasimində Türkiyənin Kiyevdəki səfiri Yağmur Əhməd Güldere, TİKA-nın Ukrayna koordinatoru Cüneyt Esmer, Rivne vilayətinin qubernatoru Vitali Koval və xəstəxana rəhbərləri iştirak ediblər.

Ukraynada davam edən müharibə ilə əlaqədar olaraq ölkənin müxtəlif bölgələrindən kimsəsiz, aztəminatlı ailələrin uşaqları və müharibə qurbanı olan çoxlu sayda insan Rivne Regional Uşaq Xəstəxanasında tibbi yardım alır.

Xəstə sayının artdığı 291 çarpayılıq xəstəxanaya TİKA tibbi avadanlıq dəstəyi verib.

Layihə çərçivəsində xəstəxananın Anesteziologiya və Reanimasiya şöbəsi üçün 5 ədəd infraqırmızı qızdırıcı və əsas əməliyyat otağında istifadə olunacaq 4 ədəd çoxparametrli xəstə monitoru verilib.

Verilən dəstəklə xəstəxananın xidmət keyfiyyətinin yüksəldilməsi və funksionallığının artırılması hədəflənir.