TƏBİB-in tabeliyində fəaliyyət göstərən “Yeni klinika” tibb müəssisəsinin və Sabirabad regional “ASAN xidmət” mərkəzinin birgə təşkilatçılığı ilə “Könüldən Mərhəmət” adlı aksiya çərçivəsində 1 İyun - Uşaqların Beynəlxalq Müdafiəsi Günü münasibətilə “Mərhəmət evi” uşaq sığınacağında olan uşaqların müayinəsi təşkil olunub.

 

Bu barədə Aztibb.az-a “Yeni klinika”dan xəbər verilib.

 

Aksiya çərçivəsində “Mərhəmət evi” sığınacağından olan 15 uşaq klinikada müayinə edilib, onlara ilkin zəruri tibbi dəstək göstərilib.

 

Həkim-pediatrların göstərişi ilə qanın ümumi analizi, ultrasəs müayinəsi və digər prosedurlardan keçən uşaqlar, həmçinin kardioloji, revmatoloji müayinə də olunublar.

 

Bundan başqa, sığınacaqdan gələn bir uşaq müayinə edilərək sünnət edilib.