Naxçıvan Muxtar Respublikası Səhiyyə Nazirliyi və “Məlhəm” Beynəlxalq Hospitalının birgə təşkilatçılığı ilə Naxçıvan Diaqnostika Müalicə Mərkəzində xalqımızın Ümummilli Lideri Heydər Əliyevin 100 illik yubileyi münasibətilə “Sevgi ən böyük məlhəmdir!” şüarı altında keçirilən tibbi aksiya davam edir.

 

Bu barədə Aztibb.az-a Naxçıvan Səhiyyə Nazirliyindən məlumat verilib.

 

Akasiyanın ilk günü “Məlhəm” Beynəlxalq Hospitalın yüksəkixtisaslı həkim heyəti tərəfindən muxtar respublikanın 303 sakini tibbi müayinədən keçib. Müayinə olunanlardan 32-si oftalmoloq Leyla Qəhrəmanova, 28-i endokrinoloq Gülhar Əliyeva, 32-si kardioloq Mehriban İsgəndərova, 20-si uroloq Rəşad Məmmədov, 11-i pulmonoloq Könül Məmmədova, 30-u travmatoloq ortoped Cavid Cəfərov, 22-si isə terapevt Sinaxanım Hüseynzadə tərəfindən müayinə olunub.

 

Həmçinin aksiya çərçivəsidə müraciət edən 312 vətəndaşdan ödənişsiz olaraq laborator analiz götürülüb, 34 sakin isə radioloji müayinədən yararlanıb.