Siz uşağınızın psixoaktiv maddədən istifadə etdiyindən şübhələnirsinizsə, nə etmək lazımdır?

Aztibb.az bununla bağlı təlimata əsalanaraq atılacaq addımların planını təqdim edir:

- Təlaşa düşməyin!
- Ona diqqətlə nəzarət edin, şübhələndiyinizi büruzə verməyin!
- Ailəni bir yerə toplayın, uşağınızla öz müşahidələrinizi müzakirə edin, qışqırmağa və ya nədəsə onu ittiham etməyə çalışmayın!
- Nəsihət verməyin, heç bir halda hədələməyin və onu cəzalandırmayın!
- Anlayış və qayğı göstərib, uşağınızı dəstəkləyin!
- Ona bu yolun bütün təhlükəsini izah edin!
- Onu mütəxəssisə müraciət etməyə inandırmağa çalışın!
- Onun sizi qorxularınızın əsassız olduğuna inandırmasına imkan verməyin!
- Vaxt itirməyin. Mütəxəssisə müraciət edin!

Psixoaktiv maddələrlə bağlı testlər

Hal-hazırda respublikada psixoaktiv maddələrdən istifadəni müəyyən etmək üçün immunoxromatoqrafiya və ekspress-test üsulundan istifadə edilir. Psixoaktiv maddə ilə bağlı diaqnostik testlərdən istifadə bu problemin ən sadə həlli yoludur.

Bu iki üsul “İnsan son 5 gün ərzində psixoaktiv maddələrdən istifadə edibmi?” sualını cavablandıran effektli üsuldur.

Övladınızın psixoaktiv maddədən istifadə etməsi təsdiqləndikdən sonra mütləq həkim-narkoloqa, psixoloqa müraciət etmək lazımdır!