Yeni yüksəktexnologiyalı qurğu pasiyentə daha sərbəst hərəkət etməyə kömək edərək onurğaya olan təzyiqi aradan qaldırır.

Aztibb.az meddaily.ru-ya istinadla xəbər verir ki, "Atlas" unikal korseti ağrı hissinə son qoyur. Korsetə onurğaya dəstək verən, ağrını yüngülləşdirən və insanın çevikliyini artıran, hərəkət edən kiçik tənzimləyicilər və motorlar quraşdırılıb.

Hazırda korset Fransada 32 pasiyent üzərində sınaqdan keçirilir.

İstehsalçıların sözlərinə görə, pasiyent bərpa seansları zamanı 60 dəqiqə ərzində bu korseti taxmalıdır. Bu, eyni anda ağrını aradan qaldıran və azad hərəkət etməyə imkan verən ilk qurğudur.