Aprelin 25-də Ümummilli Lider Heydər Əliyevin anadan olmasının 100 illiyinə həsr edilmiş "Mamalıq-ginekologiya sahəsində beynəlxalq təcrübənin və multidissiplinar əməkdaşlığın rolu" mövzusunda "dəyirmi masa" keçiriləcək.

 

Bu barədə Aztibb.az-a Mərkəzi Gömrük Hospitalından bildirilib.

 

Qeyd olunub ki, tədbir Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin və Mərkəzi Gömrük Hospitalının birgə təşkilatçılığı, Evafarm MMC-nin dəstəyi ilə baş tutacaq.

 

Böyük Britaniyanın Birmingem Qadın və uşaq hospitalının mama-ginekoloqu Fidan İsrafil-Bəylinin iştirakı ilə keçiriləcək "dəyirmi masa"da mamalığın aktual problemləri, o cümlədən perimenopauzal və menopauzal dövrdə qadınlarda sıx rast gəlinən ginekoloji problemlər barədə təqdimatlar ediləcək.

 

Tədbirdə əyani iştirak dəvətnamə əsasında, distant iştirak isə qeydiyyat əsasında həyata keçiriləcək.

 

İştirak ödənişsizdir. Yerlər məhdud olduğu üçün qeydiyyatdan keçmək mütləqdir!

 

Qeydiyyat linki:

 

https://us06web.zoom.us/webinar/register/WN_3k1sPk3ISkO2awbKynynew#/registration