Aprelin 17-də TƏBİB-in təşkilatçılığı və dəstəyi ilə Dünya Hemofiliya Gününə həsr edilən "Hemofiliyanın müalicəsinin qlobal standartlara uyğunlaşması" mövzusunda elmi konfrans keçiriləcək.
Aztibb.az-a TƏBİB-dən bildirilib ki, "Yeni Klinika"da təşkil olunacaq konfransda Azərbaycanın aparıcı mütəxəssisləri tərəfindən hemofiliya və qanın digər laxtalanma pozğunluğundan əziyyət çəkən vətəndaşların müalicəsinə müasir multidisiplinar yanaşmalar barədə çıxışlar ediləcək.
Qeyd edək ki, tədbir Hemofiliyalı Xəstələrin Respublika Assosiasiyasının, Səhiyyə Nazirliyinin, İcbari Tibbi Sığorta üzrə Dövlət Agentliyinin, TƏBİB-in, Azərbaycan Hematologiya Mütəxəssisləri İctimai Birliyinin təşkilatçılığı və “Novo Nordisk” Hemofiliya Fondunun dəstəyi ilə baş tutacaq.
Elmi konfransda iştirak üçün müxtəlif profilli həkim və tibb bacıları 050-587-71-77 (Votsap) və 012-513-15-39 nömrələrinə zəng edərək müraciət edib qeydiyyatdan keçə bilərlər.
