Bu ilin aprel ayında “Görkəmli oftalmoloq alim, akademik Zərifə Əliyeva: həkimlik andı və vətəndaşlıq missiyası” mövzusunda beynəlxalq konfrans keçiriləcək.

Aztibb.az xəbər verir ki, bu barədə AMEA-nın prezidenti, akademik İsa Həbibbəyli akademik Zərifə Əliyevanın anadan olmasının 100 illik yubileyinə həsr edilmiş “Dəyişən dünyada qadın: Şərq və Qərb baxışı” mövzusunda beynəlxalq elmi konfrans zamanı bildirib.

Prezident İlham Əliyevin müvafiq Sərəncamı ilə akademik Zərifə Əliyevanın 100 illik yubileyinin ölkəmizdə yüksək səviyyədə qeyd olunduğunu vurğulayan AMEA rəhbəri Akademiyada da geniş Tədbirlər Planının qəbul edildiyini diqqətə çatdırıb. Akademik İsa Həbibbəyli aprel ayında AMEA və AR Səhiyyə Nazirliyinin birgə təşkilatçılığı ilə “Görkəmli oftalmoloq alim, akademik Zərifə Əliyeva: həkimlik andı və vətəndaşlıq missiyası” mövzusunda beynəlxalq konfransın, eləcə də il ərzində digər tədbirlərin keçirilməsinin nəzərdə tutulduğunu söyləyib.