Bakı Dövlət Universitetinin (BDU) Biologiya fakültəsinin IV kurs tələbələri və magistranları Akademik Abdulla Qarayev adına Fiziologiya İnstitutunda istehsalat təcrübəsi keçirlər.
Bu barədə Aztibb.az-a Fiziologiya İnstitutundan məlumat verilib.
Təcrübə müddətində tələbələrə dünya praktikasında tətbiq olunan metodlar haqqında məlumat verilib, onlar institutun laboratoriyaları və laboratoriyalarda aparılan elmi-tədqiqat işləri ilə tanış olublar.
İnstitutun Görmənin və neyrodegenerativ proseslərinin fiziologiyası, Mühit amilləri və analizatorların formalaşması və Ekotoksikologiya laboratoriyalarının elmi seminarlarında iştirak edən tələbələr tədqiqatçılıq və peşə fəaliyyəti üçün zəruri olan praktiki vərdişlərə yiyələnirlər.
Qeyd edək ki, istehsalat təcrübəsi aprelin 19-dək davam edəcək.
