Martın 6-da Bakıda “İnfeksion və qeyri-infeksion hepatitlərin müalicə və diaqnostikasına müasir yanaşma” mövzusunda beynəlxalq elmi konfrans keçiriləcək.
Mərkəzi Gömrük Hospitalından Aztibb.az-a verilən məlumata görə, tədbirdə “İnfeksion hepatitlərin müalicə və diaqnostikasına müasir yanaşma” və “Qeyri-infeksion hepatitlərin müalicə və diaqnostikasına müasir yanaşma” başlıqlı 2 paneldə müvafiq sahənin yüksəkixtisaslı mütəxəssisləri tərəfindən ümumilikdə 8 məruzə təqdim olunacaq.
Beynəlxlaq tədbir Azərbaycan Respublikası Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının, “Azərbaycan Qastroenteroloqlar və Hepatoloqlar” İctimai Birliyinin, “Azərbaycan İnfeksion Xəstəlikləri və Kliniki Mikrobiologiya Cəmiyyəti”nin və Materia Medica şirkətinin birgə təşkilatçılığı ilə baş tutacaq.
Hər kəs üçün əlçatanlığı təmin etmək məqsədilə konfrans hibrid formatda keçiriləcək. Belə ki, tədbir 14:00-dan 18:00-dək əyani şəkildə Mərkəzi Gömrük Hospitalının akt zalında, distant olaraq isə "ZOOM" platforması üzərindən həyata keçiriləcək. Proqrama uyğun olaraq konfrans ümumi cərrah, terapevt, qastroenteroloq, toksikoloq, infeksionist və laborant ixtisasına malik həkimlər və rezidentlər üçün nəzərdə tutulub.
Konfransda iştirak ödənişsizdir! Yerlər məhdud olduğu üçün qeydiyyatdan keçmək mütləqdir!
Proqramla tanış olmaq üçün link: https://customshospital.az/06-mart-infeksion-ve-qeyri-infeksion-hepatitlerin-mualice-ve-diaqnostikasina-muasir-yanasma/#gsc.tab=0
Qeydiyyat linki: https://forms.gle/GyQh3hmk594yu9cEA