Çox vaxt xərçəng ilkin mərhələdə demək olar ki, özünü göstərmir.  

Rusiyada Molekulyar Onkologiya Mərkəzinin rəhbəri, bioloq Vladislav Mileyko müsahibəsində bildirib ki, bəzən xərçəngin ilk simptomları digər xəstəliklərin əlamətləri ilə qarışdırılır. 

Aztibb.az riafan.ru-ya istinadən xəbər verir ki, adətən, xərçəng digər xroniki və ya yoluxucu xəstəliklərlə əlaqəli olmayan səbəbsiz kilo itkisi, zəiflik və asteniya ilə müşayiət olunur. Zamanla, şişin inkişaf etdiyi orqandan asılı olan əlamətlər görünür. 

Beləliklə, döş xərçəngi ilə aksiller limfa düyünlərində izlər müşahidə olunur, yoğun bağırsaq xərçəngi vəziyyətində qəbizlik başlayır və nəcisdə qan görünür. 

"Əlbəttə, bunlar onkoloji xəstəliyin spesifik simptomları deyil, rast gəlindikdə həkimə, ilk növbədə terapevtə müraciət etməkdən çəkinməməlisiniz", - həkim izah edib. 

O, bəzi testləri xərçəngin erkən mərhələdə diaqnozu üçün etibarsız üsul adlandırıb. Qeyd edib ki, istənilən halda analiz və müayinə mütləqdir.