Uşaqlarda Təkmil Həyata Dəstək kursu keçiriləcək
31.01.2023 14:32
21-22 fevral 2023-cü il tarixlərində Azərbaycan Respublikası Səhiyyə Nazirliyi, TƏBİB, K.Y.Fərəcova adına Elmi-Tədqiqat Pediatriya İnstitutu, Çocuk Acil Tıp ve Yoğun Bakım Derneği, NİYİB birgə təşkilatçılığı ilə Uşaqlarda Təkmil Həyata Dəstək (ÇİYAD) kursu keçiriləcək.
 
Aztibb.az xəbər verir ki, Türkiyə Respublikasından dəvət olunmuş professorların nəzarəti altında 14 yerli həkim mütəxəssislərin iştirakı ilə keçiriləcək kurs 2 gün davam edəcək.
 
Kursun Azərbaycan Respublikası Səhiyyə Nazirliyi Elmi-Tibbi Şurası tərəfindən akkreditasiya olunması nəzərdə tutulub.
 
Kursu uğurla başa vuran iştirakçılara sertifikat təqdim olunacaq.
Məlumat üçün bildirək ki, Azərbaycanda ilk dəfə 23 noyabr 2022-ci ildə Səhiyyə Nazirliyi K.Y.Fərəcova adına Elmi-Tədqiqat Pediatriya İnstitutunda xaricdə təhsil almış və yerli həkimlərimiz üçün Çocuk Acil Tıp ve Yoğun Bakım Derneği tərəfindən Uşaqlarda Təkmil Həyata Dəstək kursu (ÇİYAD) keçirilib. 14 həkimimiz təlimi uğurla başa vurub və sertifikatla təmin olunub.
 
Qeydiyyat üçün:(055) 739-59-95 nömrəsi ilə whatsapp vasitəsilə əlaqə saxlaya bilərsiz.
Yerlər məhduddur.